'જ્યાં ટુકડો ત્યાં હરિ ઢુકડો'નો મંત્ર સાર્થક: દર અઠવાડિયે આશરે 100થી વધુ લોકોને શુદ્ધ અને પૌષ્ટિક ભોજન પીરસાય છેમોરબી : 'સૌથી શ્રેષ્ઠ દાન એટલે અન્નદાન.' આ ઉક્તિને માત્ર દિવાલો પર લખવા પૂરતી સીમિત રાખવાને બદલે મોરબીના લાયન્સ ક્લબ ઓફ મોરબી નઝરબાગના હોદ્દેદારોએ તેને પોતાના જીવનનું લક્ષ્ય બનાવ્યું છે. હંગર પ્રોજેક્ટ હેઠળ ચેરમેન સચિનભાઈ કોટેચા, સભ્ય આશ્લેષાબેન કોટેચા અને તેમની ટીમ દ્વારા છેલ્લા 4 વર્ષથી અવિરતપણે સેવાયજ્ઞ ચલાવવામાં આવી રહ્યો છે.દર ગુરુવારે પીરસાય છે પ્રેમનું ભોજનમોરબી શહેરના જુદા-જુદા શ્રમજીવી વિસ્તારોમાં દર ગુરુવારે આ ટીમ દ્વારા જરૂરિયાતમંદોને ભોજન પહોંચાડવામાં આવે છે. સચિનભાઈના જણાવ્યા અનુસાર, દર અઠવાડિયે આશરે 100 થી વધુ લોકોને શુદ્ધ અને પૌષ્ટિક આહાર પીરસવામાં આવે છે. આ ભોજન માત્ર પેટ ભરવા પૂરતું નથી હોતું, પરંતુ તેમાં કેરીનો રસ, ગુલાબજાંબુ, પૂરી-શાક, છાશ અને ફરસાણ જેવી વાનગીઓ પીરસીને વંચિતોને પણ ઉત્સવ જેવો આનંદ આપવામાં આવે છે.રોકડને બદલે અન્નદાન આપવાનો સંદેશઆ સેવાકાર્ય સાથે સચિનભાઈ કોટેચા સમાજને એક નવો અને સકારાત્મક રાહ પણ ચીંધી રહ્યા છે. તેમનું માનવું છે કે કોઈને રોકડ દાન આપવાથી તેનો ગેરઉપયોગ થવાની સંભાવના રહે છે. ભીખમાં મળતા રોકડા રૂપિયાને કારણે ઘણીવાર ભિખારીઓનું નેટવર્ક ઊભું થાય છે, જેમાં માસૂમ બાળકોનું અપહરણ કરી તેમની પાસે ભીખ મગાવવા જેવા સામાજિક દૂષણો જન્મે છે. તેથી, રોકડ આપવાને બદલે જો ભૂખ્યાને ભોજન કરાવવામાં આવે, તો તે જ ખરા અર્થમાં સાચું દાન છે.બીમાર અને લાચાર લોકો માટે આશીર્વાદરૂપ કાર્યઆ પ્રોજેક્ટ પાછળનો મુખ્ય ઉદ્દેશ્ય એ છે કે શહેરમાં કોઈ પણ લાચાર કે બીમાર વ્યક્તિ ભૂખ્યા પેટે ન સૂવે. પોતાની વ્યસ્ત દિનચર્યામાંથી સમય કાઢીને, જાતે રસોઈ બનાવીને ગરીબો સુધી પહોંચવાની કોટેચા પરિવારની આ ભાવના ખરેખર વંદનીય છે. આજના આધુનિક યુગમાં જ્યારે લોકો પાસે એકબીજા માટે સમયનો અભાવ છે, ત્યારે લાયન્સ ક્લબ ઓફ મોરબી નઝરબાગની આ ટીમ માનવતાનું ઉત્તમ ઉદાહરણ પૂરું પાડી રહી છે. સમાજના અન્ય લોકો પણ આ કાર્યમાંથી પ્રેરણા લે તે અત્યંત જરૂરી છે.#Morbi #MorbiUpdate #LionsClubMorbi #HungerProject #FoodDonation #Annadan #SocialWork #Humanity #MorbiNews
.jpg)
