મોરબી: મોરબી જિલ્લા ચુવાળિયા કોળી ઠાકોર સમાજ દ્વારા ટીંબાવાડી માતાજીના સાનિધ્યમાં એક ભવ્ય મિટિંગનું આયોજન કરવામાં આવ્યું હતું. આ બેઠકમાં સમાજના ઉત્કર્ષ, સંગઠન શક્તિ અને આગામી ધાર્મિક કાર્યક્રમો અંગે વિસ્તૃત ચર્ચા વિચારણા કરવામાં આવી હતી.ચુવાળિયા કોળી ઠાકોર સમાજના પ્રમુખ હેમંતભાઈ સુરેલાના અધ્યક્ષસ્થાને યોજાયેલી આ મિટિંગમાં જિલ્લાભરમાંથી મોટી સંખ્યામાં સમાજના અગ્રણીઓ અને ઉત્સાહી યુવાનો ઉપસ્થિત રહ્યા હતા. બેઠકમાં મુખ્યત્વે ત્રણ મુદ્દાઓ પર વિશેષ ભાર મૂકવામાં આવ્યો હતો.સંત વેલનાથ બાપુની પુણ્યતિથિ મહોત્સવઆગામી તારીખ 02/04/2026 ના રોજ સમાજના આરાધ્ય ધર્મગુરુ સંત વેલનાથ બાપુની પુણ્યતિથિ નિમિત્તે ભવ્ય આયોજન નક્કી કરાયું છે. જેમાં ભક્તિસભર 'ભજન સંધ્યા' અને બાળકો માટે 'બટુક ભોજન'નું આયોજન કરી આ દિવસને શ્રદ્ધાપૂર્વક ઉજવવાનો નિર્ણય લેવાયો છે.શિક્ષણ અને સંગઠન પર ભારસમાજની પ્રગતિ માટે શિક્ષણ અનિવાર્ય હોવાનું જણાવી, વિદ્યાર્થીઓને ઉચ્ચ અભ્યાસ માટે પ્રોત્સાહન અને જરૂરી મદદ પૂરી પાડવા 'શિક્ષણ જાગૃતિ અભિયાન' વેગવંતુ બનાવવાની ચર્ચા કરાઈ હતી. આ સાથે જ સમાજની એકતા જાળવી રાખવા અને સંગઠનને વધુ મજબૂત બનાવવા માટે યુવાનોને જવાબદારી સોંપવામાં આવી હતી.આ તકે ઉપસ્થિત વડીલો અને કાર્યકરોએ સમાજના સર્વાંગી વિકાસ માટે પોતાના અમૂલ્ય સૂચનો રજૂ કર્યા હતા. મિટિંગના અંતે 'શિક્ષણ, સંગઠન અને શક્તિ'ના સંકલ્પ સાથે સમાજને નવી ઊંચાઈએ લઈ જવાનો નિર્ધાર વ્યક્ત કરવામાં આવ્યો હતો.#Morbi #MorbiUpdate #ChuvaliyaKoliThakorSamaj #SocialMeeting #SaintVelnathBapu #EducationAwareness #CommunityUnity #MorbiNews
.jpg)
