મોરબી: રાજ્યના નાગરિકોના પ્રશ્નોના ઝડપી અને ટેકનોલોજીના માધ્યમથી નિકાલ માટે કાર્યરત ‘સ્વાગત’ (State Wide Attention on Grievances by Application of Technology) કાર્યક્રમ અંતર્ગત માર્ચ-૨૦૨૬ માસનો 'જિલ્લા સ્વાગત ફરિયાદ નિવારણ કાર્યક્રમ' આગામી ૨૫ માર્ચે યોજાશે.કલેક્ટર કચેરી ખાતે યોજાશે કાર્યક્રમઆગામી તા. ૨૫/૦૩/૨૦૨૬ ને ગુરુવારના રોજ સવારે ૧૧:૦૦ કલાકે કલેક્ટર કચેરીના સભાખંડમાં કલેક્ટરના અધ્યક્ષસ્થાને આ કાર્યક્રમનું આયોજન કરવામાં આવ્યું છે. જેમાં અરજદારો પોતાના પડતર પ્રશ્નોની સીધી રજૂઆત કરી શકશે.અરજી માટેની પ્રક્રિયા અને નિયમો: • અરજી ક્યાં કરવી: કાર્યક્રમમાં ભાગ લેવા ઈચ્છતા અરજદારોએ પોતાની અરજી જે-તે વિભાગની જિલ્લા કક્ષાની કચેરીએ મોકલી આપવાની રહેશે. • વિગતો: અરજીના મથાળે 'જિલ્લા સ્વાગત ફરિયાદ નિવારણ કાર્યક્રમ' લખવું અને અરજદારે પોતાનું નામ, સરનામું અને મોબાઈલ નંબર અવશ્ય દર્શાવવો. • પૂર્વ શરત: જિલ્લા સ્વાગત કાર્યક્રમમાં પ્રશ્ન રજૂ કરતા પહેલા અરજદારે ગ્રામ કે તાલુકા કક્ષાએ જવાબદાર અધિકારીને અગાઉ લેખિત રજૂઆત કરેલી હોવી જોઈએ. જો ત્યાં પ્રશ્ન અનિર્ણિત હોય તો જ અહીં રજૂઆત કરી શકાશે.આવી અરજીઓ ગ્રાહ્ય રાખવામાં આવશે નહીં:નીતિવિષયક પ્રશ્નો, કોર્ટ મેટર (સબ-જ્યુડિસ), વ્યક્તિગત આક્ષેપો ધરાવતી અરજીઓ, પેન્શન કે પગાર જેવા સેવાકીય બાબતોના પ્રશ્નો અથવા જે પ્રશ્નો અગાઉ ‘જિલ્લા સ્વાગત’ માં રજૂ થઈ ચૂક્યા હોય તેવી રજૂઆતો સ્વીકારવામાં આવશે નહીં. ૧૦ માર્ચ પછી મળેલી અરજીઓ હવે પછીના માસના કાર્યક્રમમાં ધ્યાને લેવામાં આવશે તેવું નિવાસી અધિક કલેક્ટરની યાદીમાં જણાવાયું છે. #Morbi #MorbiUpdate #DistrictSwagat #GrievanceRedressal #CollectorOffice #GujaratGovt #PublicService
.jpg)
