મોરબી-વાંકાનેર શહેરી વિકાસ સતામંડળ પાસે ટેકનીકલ સ્ટાફ ન હોવાના કારણે શહેરી વિસ્તાર પૂરતી કામગીરી મહાપાલિકાને સોંપી દેવાયમોરબી : મોરબી-વાંકાનેર શહેરી વિકાસ સતામંડળ દ્વારા મોરબી શહેરમાં ડેવલોપમેન્ટ પરમિશન તથા BUની સતા મહાપાલિકાને સુપ્રત કરવામાં આવી છે. મોરબી-વાંકાનેર શહેરી વિકાસ સતામંડળ પાસે ટેકનીકલ સ્ટાફ ન હોવાના કારણે આ નિર્ણય લેવામાં આવ્યો છે.ગુજરાત સરકારના શહેરી વિકાસ તથા શહેરી ગૃહ નિર્માણ વિભાગના તા.૨૩/૦૬/૨૦૨૫ના જાહેરનામાં દ્વારા મોરબી - વાંકાનેર શહેરી વિકાસ સત્તામંડળની હદ વધારીને મોરબી મહાનગરપાલિકાની હદ વિસ્તાર મુજબ વધારવામાં આવેલ હતી. જે અન્વયે મોરબી- વાંકાનેર શહેરી વિકાસ સત્તામંડળ વિસ્તારમાં વિકાસ પરવાનગી,બિલ્ડિંગ યુઝ પરમિશન (BU) વિગેરે બાબતોની સત્તા મોરબી -વાંકાનેર શહેરી વિકાસ સત્તામંડળને મળેલ હતી. મોરબી - વાંકાનેર શહેરી વિકાસ સત્તામંડળમાં હાલ કોઇ ટેકનિકલ સ્ટાફ ન હોવાને કારણે વિકાસ પરવાનગી, બિલ્ડિંગ યુઝ પરમિશન (BU) વિગેરે બાબતોની સત્તા મોરબી મહાનગરપાલિકાને મોરબી મહાનગર પાલિકાની સમાવિષ્ટ હદ પૂરતી સુપ્રત કરવા મોરબી - વાંકાનેર શહેરી વિકાસ સત્તામંડળની બોર્ડ બેઠકમાં ઠરાવ કર્યો છે. જે દરખાસ્તને શહેરી વિકાસ તથા શહેરી ગૃહ નિર્માણ વિભાગની મંજુરી અર્થે મોકલવામાં આવી હતી. તા. ૧૧/૦૮/૨૦૨૫ના રોજ સરકાર દ્વારા આ બાબતે મંજુરી આપવામાં આવી છે. જેથી મોરબી મહાનગરપાલિકા દ્વારા આવનાર સમયમાં ઝડપથી કાર્યવાહી પુર્ણ કરવામાં આવશે. તેમ નાયબ કમિશનરની યાદીમાં જણાવાયું છે.
.jpg)
