મોરબી : મોરબીમાં વાવડી ચોકડી પાસે વહેલી સવારે બોલેરોમાં કતલ કરવાના ઇરાદે લઈ જવાતા બે પશુઓને ગૌસેવકોની ટીમે બચાવી આ મામલે એ ડિવિઝન પોલીસને ફરિયાદ આપી હતી. યાદીમાં જણાવ્યા મુજબ અખિલ વિશ્વ ગૌસ્વામી પરિષદ- દિલ્હીના કમલેશભાઈ બોરીચાને હકીકત મળતા ગૌરક્ષકો, વિશ્વ હિન્દુ પરિષદ, બજરંગ દળ હિન્દુ યુવા વાહિનીના કાર્યકર્તા દ્વારા વોચ રાખીને વાવડી ચોકડી પાસે બોલેરો પીક અપ નંબર GJ 36 V 7940ને રોકાવીને ચેક કરતા એમાં 2 ભેંસ મળી આવી હતી. જેને એ ડિવિઝન પોલીસ ખાતે લઈ જઈને યોગ્ય કાર્યવાહી કરવા ફરિયાદ આપી હતી. આ બન્ને પશુને પાંજરાપોળને સોંપવામાં આવ્યા હતા. આ કામગીરીમાં કમલેશભાઈ બોરીચા, ચેતનભાઇ પાટડીયા, વૈભવભાઈ પટેલ, મનીષભાઈ કનજારિયા ગૌરક્ષક, પાર્થભાઈ નેસડિયા, વિશાલભાઈ ગાંગાણી, મિત ગોહિલ, લાલાભાઈ, યસ વાઘેલા, હિતરાજસિંહ, જયરાજ્ભાઇ ગોહિલ, જે.કી.ભાઈ આહીર, નિલેશભાઈ ડાંગર સહિતના ગૌસેવકો રોકાયેલ હતા.
.jpg)
