ચૂંટણી પ્રક્રિયા અંગેની માહિતી અને રજૂઆતો માટે ટેલિફોન અને ઇ-મેઇલ દ્વારા સંપર્ક કરી શકાશેમોરબી : ગુજરાત રાજ્ય ચૂંટણી આયોગ દ્વારા જાહેર કરવામાં આવેલા કાર્યક્રમ અનુસાર, મોરબી જિલ્લામાં સમાવિષ્ટ મોરબી મહાનગરપાલિકા તેમજ વાંકાનેર, ટંકારા અને માળિયા(મિયાણા) નગરપાલિકાઓની સામાન્ય ચૂંટણીઓ યોજાનાર છે. આ સાથે જ મોરબી જિલ્લા પંચાયત અને જિલ્લાની તમામ પાંચ તાલુકા પંચાયતો (મોરબી, વાંકાનેર, હળવદ, ટંકારા, માળિયા (મિયાણા) ની સામાન્ય ચૂંટણીઓ માટે પણ આગામી તા. 26-4-2026ના રોજ મતદાન પ્રક્રિયા હાથ ધરવામાં આવશે. આ ચૂંટણીઓ માટે મતદાન અને મત ગણતરી અન્વયે જિલ્લા કલેક્ટર કચેરી ખાતે કન્ટ્રોલ રૂમ કાર્યરત રહેશે. સ્થાનિક સ્વરાજ્યની આ સંસ્થાઓની ચૂંટણી પ્રક્રિયા મુક્ત, ન્યાયી અને પારદર્શક વાતાવરણમાં સંપન્ન થાય તેમજ મતદાન અને મતગણતરીના દિવસો દરમિયાન વહીવટી સંકલન જળવાઈ રહે તે હેતુથી મોરબી જિલ્લા ચૂંટણી અધિકારી અને કલેક્ટરની કચેરી ખાતે ખાસ ચૂંટણી કન્ટ્રોલ રૂમની વ્યવસ્થા કરવામાં આવી છે. ચૂંટણી સંબંધિત કોઈપણ પ્રકારની માહિતી, માર્ગદર્શન કે રજૂઆતો માટે નાગરિકો અને હિતધારકો કન્ટ્રોલ રૂમના ટેલિફોન નંબર: 02822-253300, 02822-243435 તથા ઇ-મેઇલ એડ્રેસ: collector.mor.sthaniksw@gmail.com નો સંપર્ક કરી શકશે. અધિક જિલ્લા ચૂંટણી અધિકારી અને નિવાસી અધિક કલેક્ટરની દેખરેખ હેઠળ આ કન્ટ્રોલ રૂમ કાર્યરત રહેશે તેવું અધિક જિલ્લા ચૂંટણી અધિકારી અને મોરબી નિવાસી અધિક કલેકટરની યાદીમાં જણાવાયું છે.
.jpg)
