લાંબા સમયની માંગણી સંતોષાઈ: નવી અને આધુનિક સુવિધાઓથી સજ્જ બનશે હાઈસ્કૂલવાંકાનેર: વાંકાનેર તાલુકાના ઠીકરીયાળા ગામમાં લાંબા સમયથી ગ્રામજનો દ્વારા કરવામાં આવી રહેલી માંગણીનો અંત આવ્યો છે. ગામમાં નવી અને આધુનિક સુવિધાઓથી સજ્જ હાઈસ્કૂલના બિલ્ડિંગના નિર્માણ કાર્યનો સત્તાવાર રીતે પ્રારંભ કરી દેવામાં આવ્યો છે. વર્ષોથી ગામ તેમજ આસપાસના વિસ્તારના વિદ્યાર્થીઓને ગુણવત્તાયુક્ત અને સુવિધાસભર માધ્યમિક શિક્ષણ મળી રહે તે માટે ગ્રામજનો સતત પ્રયત્નશીલ હતા. આ બિલ્ડિંગનું નિર્માણ કાર્ય શરૂ થતાં જ સમગ્ર ગામમાં આનંદ અને ઉત્સાહનો માહોલ જોવા મળી રહ્યો છે.રજૂઆતોને મળી સફળતા: વહીવટી પ્રક્રિયાઓ પૂર્ણ થતાં કામગીરી હાથ ધરાઈઠીકરીયાળા ગામ અને આસપાસના વિસ્તારના વિદ્યાર્થીઓના ઉજ્જવળ ભવિષ્યને ધ્યાનમાં રાખીને સ્થાનિકો દ્વારા વ્યાપક રજૂઆતો કરવામાં આવી હતી. ગ્રામજનો, માધ્યમિક શાળાના શિક્ષક સમીરભાઈ, શાળાના અધિકારીઓ તેમજ ગ્રામ પંચાયતની ન્યાય સમિતિના ચેરમેન ભીમજીભાઈ બેડવાએ રાજ્ય સરકાર સમક્ષ આ બાબતે અનેક વખત સચોટ રજૂઆતો કરી હતી.આ રજૂઆતોને ગંભીરતાથી લઈને રાજ્ય સરકારે નવી હાઈસ્કૂલના બિલ્ડિંગના નિર્માણને લીલી ઝંડી આપી હતી. ટેન્ડર પ્રક્રિયા સહિતની તમામ જરૂરી વહીવટી કામગીરીઓ પૂર્ણ થયા બાદ હવે ગ્રાઉન્ડ લેવલ પર નિર્માણ કાર્યનો શુભારંભ કરી દેવાયો છે. મળતી માહિતી મુજબ, આ નવા બિલ્ડિંગમાં વિદ્યાર્થીઓને આધુનિક અને ઉચ્ચ ગુણવત્તાયુક્ત શૈક્ષણિક વાતાવરણ મળી રહે તે માટેની તમામ સુવિધાઓ ઉપલબ્ધ કરાવવામાં આવશે.પ્રારંભ પ્રસંગે ગામના અગ્રણીઓ અને ગ્રામજનોની મોટી ઉપસ્થિતિનિર્માણ કાર્યના પ્રારંભના આ ખાસ પ્રસંગે ગામના આગેવાનો અને વરિષ્ઠ નાગરિકો મોટી સંખ્યામાં હાજર રહ્યા હતા. જેમાં ગામના સરપંચ હક્કાભાઈ માંડણી, માધ્યમિક શાળાના આચાર્ય હિતેષભાઈ, શાળાના શિક્ષક સમીરભાઈ, ગ્રામ પંચાયતની ન્યાય સમિતિના ચેરમેન ભીમજીભાઈ બેડવા, ગામના વરિષ્ઠ નાગરિકો પોલાભાઈ બેડવા, દેવશીભાઈ માલકિયા, ખોડાભાઈ માલકિયા અને સોમાભાઈ માંડણી, અન્ય અગ્રણીઓ પાલાભાઈ રામાભાઈ, અજીતભાઈ ખાચર, હેમંતભાઈ નાકિયા, મહેશભાઈ સોનારા, સાદુલભાઈ સોરાણી તથા પ્રેમજીભાઈ માલકિયા તેમજ શાળાના અન્ય શિક્ષકો, વિદ્યાર્થીઓ અને મોટી સંખ્યામાં ગ્રામજનોએ ઉપસ્થિત રહીને આ ક્ષણને વધાવી લીધી હતી. ગ્રામજનોએ પૂર્ણ વિશ્વાસ વ્યક્ત કર્યો છે કે નવી હાઈસ્કૂલનું નિર્માણ કાર્ય ઝડપથી પૂર્ણ થતાં જ વર્ષો જૂની શૈક્ષણિક સુવિધાઓની સમસ્યાનો કાયમી ઉકેલ આવશે અને સ્થાનિક સ્તરે જ સુરક્ષિત તથા આધુનિક શિક્ષણની ઉત્તમ તકો મળશે.#MorbiUpdate #WankanerNews #ThikariyalaVillage #HighSchoolConstruction #EducationNews #MorbiDistrict #RuralDevelopment
.jpg)
