આઈ.સી.ડી.એસ. ઘટક દ્વારા 19 અને 20 મે દરમિયાન કરાયું સફળ આયોજન: વાલીઓને બાળ ઉછેર અંગે અપાયું સચોટ માર્ગદર્શનટંકારા: ગુજરાત સરકારના મહિલા અને બાળ વિકાસ વિભાગના માર્ગદર્શન હેઠળ મોરબી જિલ્લાના ટંકારા આઈ.સી.ડી.એસ. ઘટક દ્વારા એક વિશેષ પ્રેરણાદાયી પહેલ કરવામાં આવી છે. ટંકારા ઘટક હેઠળના તમામ આંગણવાડી કેન્દ્રો પર ગત તા. 19 મે અને 20 મે 2026ના રોજ 'બાલક પાલક સર્જન' કાર્યક્રમનું સફળતાપૂર્વક આયોજન કરવામાં આવ્યું હતું.વાલીઓને આંગણવાડીની સેવાઓથી માહિતગાર કરાયાઆ કાર્યક્રમનો મુખ્ય ઉદ્દેશ્ય આંગણવાડી કેન્દ્રોમાં અપાતી વિવિધ સરકારી સેવાઓ તેમજ પૂર્વ પ્રાથમિક શિક્ષણની પ્રવૃત્તિઓથી માતા-પિતા અને વાલીઓને સંપૂર્ણપણે માહિતગાર કરવાનો હતો, જેથી વિસ્તારના વધુમાં વધુ શ્રમિક અને ગ્રામ્ય પરિવારોના બાળકો આ યોજનાઓનો લાભ મેળવી શકે.બાળકના શ્રેષ્ઠ ઉછેર અને પોષણ અંગે સંવાદઆ ઉજવણી અંતર્ગત બાળકના સર્વાંગી અને બૌદ્ધિક વિકાસ માટે રમત-ગમત તેમજ શૈક્ષણિક પ્રવૃત્તિઓનું પ્રદર્શન કરવામાં આવ્યું હતું. આ સાથે જ બાળકોના શ્રેષ્ઠ ઉછેર, સ્વાસ્થ્ય, યોગ્ય પોષણ અને સ્વચ્છતા અંગે વાલીઓને સચોટ માર્ગદર્શન પૂરું પાડીને તેમની સાથે હકારાત્મક સંવાદ સાધવામાં આવ્યો હતો. આપણા બાળકોના ઉજ્જવળ અને સ્વસ્થ ભવિષ્યના નિર્માણ માટે આઈ.સી.ડી.એસ. તંત્ર સતત કાર્યરત હોવાનો સુર આ કાર્યક્રમમાં વ્યક્ત કરાયો હતો.#Tankara #ICDS #BalakPalakSarjan #Anganwadi #MorbiNews #ChildDevelopment #MorbiUpdates
.jpg)
