ડી2એ કેટેગરીના સતામંડળોના નોન ટી.પી.એરીયામાં લેન્ડ કન્ટ્રીબ્યુશનનું ધોરણ 40% રાખવામાં આવ્યું હતું, બિલ્ડરોની રજૂઆતને પગલે 31 માર્ચ 2027 સુધી તેમા અલગ- અલગ રાહત જાહેર કરાઈમોરબી : ગુજરાત સરકારે મોરબી શહેરી વિકાસ સત્તામંડળના નોન-ટીપી વિસ્તારોમાં લેન્ડ કન્ટ્રીબ્યુશનના ધોરણમાં મોટી રાહત જાહેર કરી છે. શહેરી વિકાસ અને શહેરી ગૃહ નિર્માણ વિભાગે 1 જાન્યુઆરી, 2026ના રોજ જારી કરેલા પરિપત્રમાં આ અંગેની વિગતો આપવામાં આવી છે. આ રાહત તા. 31 માર્ચ, 2027 સુધી અમલમાં રહેશે, જેનાથી બાંધકામ પરવાનગી મેળવવા માંગતા લોકોને ફાયદો થશે.સરકારના આ નિર્ણય અનુસાર, નવસારી, મોરબી, આણંદ-વલ્લભ વિદ્યાનગર-કરમસદ, સુરેન્દ્રનગર-વઢવાણ, મહેસાણા, પોરબંદર, વાપી અને નડીયાદ જેવા શહેરી વિકાસ સત્તામંડળોના વિસ્તારો (ડી2એ કેટેગરી)માં નોન ટી.પી.એરીયામાં લેન્ડ કન્ટ્રીબ્યુશનના ધોરણ ૪૦ % રાખવામાં આવ્યા હતા. જેમાં તા. ૩૧/૦૩/૨૦૨૭ સુધી રાહત આપવામાં આવી છે. તા.૩૦/૦૪/૨૦૨૬ સુધીમાં જો વિકાસ પરવાનગી માટે અરજી કરવામાં આવે અને સત્તામંડળમાં ફી જમા કરાવી દેવામાં આવે તો તેવા પ્રકરણોમાં તા.૨૩/૦૬/૨૦૨૫ પહેલાની જે તે સત્તામંડળની કેટેગરી મુજબ નોન ટી.પી.એરીયામાં લેન્ડ કન્ટ્રીબ્યુશનના ઘોરણ ધ્યાને લેવાનુ રહેશે.તા.૦૧/૦૫/૨૦૨૬ થી તા.૩૧/૧૦/૨૦૨૬ સુધીમાં જો વિકાસ પરવાનગી માટે અરજી કરવામાં આવે અને ફી જમા કરાવી દેવામાં આવે તો તેવા પ્રકરણોમાં નોન-ટી.પી.એરીયામાં લેન્ડ કન્ટ્રીબ્યુશનના ધોરણ ૪૦ % ને બદલે ૨૦ % ધ્યાને લેવાનુ રહેશે. જયારે તા.૨૩/૦૬/૨૦૨૫ પહેલા આયોજન હેઠળની જમીન બિનખેતી થયેલ હોય તેમજ લે-આઉટ પણ મંજુર થયેલ હોય તેવા કિસ્સામાં લેન્ડ કન્ટ્રીબ્યુશન ૨૦ % લેવાનું થાય છે તેને બદલે ૧૦ % ધ્યાને લેવાનુ રહેશે.તા.૦૧/૧૧/૨૦૨૬ થી તા.૩૧/૦૩/૨૦૨૭ સુધીમાં જો વિકાસ પરવાનગી માટે અરજી કરવામાં આવે અને ફી જમા કરાવી દેવામાં આવે તો તેવા પ્રકરણોમાં નોન-ટી.પી.એરીયામાં લેન્ડ કન્ટ્રીબ્યુશનના ધોરણ ૪૦ % ને બદલે ૩૦ % ધ્યાને લેવાનુ રહેશે. જયારે તા.૨૩/૦૬/૨૦૨૫ પહેલા આયોજન હેઠળની જમીન બિનખેતી થયેલ હોય તેમજ લે-આઉટ પણ મંજુર થયેલ હોય તેવા કિસ્સામાં લેન્ડ કન્ટ્રીબ્યુશન ૨૦ % લેવાનું થાય છે તેને બદલે ૧૫ % ધ્યાને લેવાનુ રહેશે. તા.૦૧/૦૪/૨૦૨૭ થી તમામ વિસ્તારોમાં સી.જી.ડી.સી.આર.ની ડી2 કેટેગરી મુજબની રેગ્યુલેશન નં. ૬.૧૭.૪ ની તમામ જોગવાઈઓ લાગુ પાડવાની રહેશે.
.jpg)
