ટંકારા : શ્રી મહર્ષિ દયાનંદ શાળા વિકાસ સંકુલ, ટંકારા દ્વારા આયોજિત બાળ વૈજ્ઞાનિક પ્રદર્શન 2025-26નું ભવ્ય આયોજન શ્રી એમ.પી. દોશી વિદ્યાલય ટંકારા ખાતે કરવામાં આવ્યું હતું. આ પ્રદર્શનમાં સંકુલ હેઠળની વિવિધ શાળાઓના વિધાર્થીઓએ પોતાના વૈજ્ઞાનિક પ્રયોગો રજૂ કરી સર્જનાત્મકતા તથા વૈજ્ઞાનિક દૃષ્ટિકોણનું પ્રદર્શન કર્યું હતું.આ પ્રદર્શનમાં શ્રી સરદાર પટેલ વિદ્યાલય, બંગાવડીના વિધાર્થીઓએ વિભાગ – 3 ગ્રીન એનર્જી અંતર્ગત રજૂ કરેલી કૃતિ “ગ્રીન એનર્જી સ્માર્ટ ક્લોથ ડ્રાયર સિસ્ટમ” એ વિશેષ આકર્ષણનું કેન્દ્ર બન્યું હતું. આ કૃતિમાં સૌર ઊર્જાનો સદુપયોગ, Automation ટેક્નોલોજી અને ઇકો ફ્રેન્ડલી દૃષ્ટિકોણનું અનોખું સંકલન રજૂ કરવામાં આવ્યું છે. આ કૃતિ માત્ર ઊર્જા બચત માટે જ નહીં પરંતુ ગામડાંથી લઈને શહેર સુધી સૌ માટે ઉપયોગી સાબિત થઈ શકે છે. એનું જીવંત મોડલ અહીં રજૂ કરવામાં આવ્યું હતું.આ અનોખી કૃતિને નિરીક્ષકો અને જજશ્રીઓએ વિશેષ વખાણી હતી અને પરિણામે આ કૃતિએ વિભાગ – 3 માં પ્રથમ ક્રમ (1st Rank) મેળવવાની ગૌરવસભર સિદ્ધિ મેળવી છે. હવે આ કૃતિની પસંદગી જિલ્લા સ્તરના બાળ વૈજ્ઞાનિક પ્રદર્શન માટે થઈ છે, જે સમગ્ર શાળાના પરિવાર માટે ગૌરવની ક્ષણ છે.આ સિદ્ધિ પાછળ માર્ગદર્શક શિક્ષક વિશાલભાઈ બરાસરાના વૈજ્ઞાનિક માર્ગદર્શન તથા આચાર્ય ભાવેશભાઈ જીવાણીના પ્રેરણારૂપ નેતૃત્વનો મહત્વનો ફાળો રહ્યો છે. આ પ્રદર્શનમાં ચૌહાણ હાર્દિક ગોવિંદભાઈ, પઢિયાર ઉમંગ અરજણભાઈ ભાગ લીધો હતો. બંને વિધાર્થીઓએ પોતાની મહેનત, સર્જનાત્મકતા અને નવીન વિચારો દ્વારા શાળાનું નામ રોશન કર્યું છે. શાળા પરિવાર તથા સમગ્ર બંગાવડી ગામના વાલી-માતાપિતા અને શિક્ષકો દ્વારા આ સિદ્ધિ બદલ વિધાર્થીઓને હાર્દિક અભિનંદન પાઠવવામાં આવ્યા છે તથા આવનારા જિલ્લા સ્તરના પ્રદર્શનમાં પણ ઉત્તમ સફળતા મળે તેવી શુભેચ્છાઓ વ્યક્ત કરવામાં આવી છે.
.jpg)
