100 થી વધુ વિદ્યાર્થીનીઓ અને વાલીઓને એડમિશન પ્રક્રિયા અંગે વિસ્તૃત સમજૂતી અપાઈમોરબી : મોરબીમાં ધોરણ 12 આર્ટસ અને કોમર્સ પાસ કર્યા પછી ઉચ્ચ અભ્યાસ માટેની એડમિશન પ્રક્રિયાને સરળ બનાવવાના હેતુથી એક વિશેષ સેમિનારનું આયોજન કરવામાં આવ્યું હતું. કડવા પાટીદાર કન્યા કેળવણી મંડળ સંચાલિત જે.એ. પટેલ મહિલા કોલેજ ખાતે આજે તારીખ 07/05/2026 ના રોજ GCAS (Gujarat Common Admission Service) અવેરનેસ સેમિનાર યોજાયો હતો.નિષ્ણાતો દ્વારા રજીસ્ટ્રેશન અંગે માર્ગદર્શનઆ સેમિનારમાં B.A. અને B.Com. માં પ્રવેશ મેળવવા ઈચ્છતી 100 થી વધુ વિદ્યાર્થીનીઓ અને તેમના વાલીઓએ ઉત્સાહભેર ભાગ લીધો હતો. કાર્યક્રમ દરમિયાન કોલેજના પ્રિન્સિપાલ ડી.બી. થોરીયા અને કો-ઓર્ડિનેટર પી.બી. વિડજા દ્વારા ઉપસ્થિત સૌને GCAS પોર્ટલ પર એડમિશન પ્રક્રિયા કેવી રીતે કરવી તે અંગે ઝીણવટભરી માહિતી આપવામાં આવી હતી.સ્થળ પર જ રજીસ્ટ્રેશન પ્રક્રિયા પૂર્ણ કરવામાં આવીઆર્ટસ અને કોમર્સ ફેકલ્ટીના પ્રોફેસરો આર.એમ. ઠાકોર, ડો. કે.એમ. ગોગીયા અને ડો. એ.બી. પરમાર દ્વારા વિદ્યાર્થીનીઓને રજીસ્ટ્રેશન માટે જરૂરી ડોક્યુમેન્ટ્સ અને ઓનલાઈન ફોર્મ ભરવા અંગે માર્ગદર્શન પૂરું પાડવામાં આવ્યું હતું. સેમિનારના અંતે બહોળી સંખ્યામાં વિદ્યાર્થીનીઓએ સ્થળ પર જ GCAS અંતર્ગત પોતાનું રજીસ્ટ્રેશન કરાવ્યું હતું.#Morbi #Education #GCAS #Admission2026 #MorbiUpdate #JAPatelCollege #AwarenessSeminar
.jpg)
