કાયદો અને વ્યવસ્થાની જાળવણી તથા લોકોની સલામતી માટે શસ્ત્રો, પથ્થરો અને ભડકાઉ પ્રવૃત્તિઓ પર પ્રતિબંધ મુકાયોમોરબી અપડેટ: મોરબી જિલ્લાની પ્રવર્તમાન પરિસ્થિતિમાં કાયદો અને વ્યવસ્થા તથા લોકોના જાનમાલની સલામતી જળવાઇ રહે અને કોઇ અનિચ્છનીય બનાવો બનવા ન પામે તે હેતુથી અધિક જિલ્લા મેજિસ્ટ્રેટ દ્વારા એક મહત્વપૂર્ણ જાહેરનામુ બહાર પાડવામાં આવ્યું છે. આ જાહેરનામા અંતર્ગત મોરબી જિલ્લાના સમગ્ર વિસ્તારમાં તા. 31-08-2026 સુધી હથિયારબંધી ફરમાવવામાં આવી છે.જાહેરનામામાં જણાવ્યા અનુસાર હથિયાર, તલવાર, ભાલા, બંદુક, છરી, શસ્ત્રો, સળગતી મશાલ અને બીજા હથિયારો કે જેના વડે શારીરિક ઇજા કરી શકાય તે સાથે રાખી ફરવા ઉપર સખત મનાઇ છે. પથ્થરો અથવા ફેંકી શકાય તેવી બીજી વસ્તુઓ અથવા તેવી વસ્તુઓ ફેંકવાની કે ધકેલવાની અથવા તેવા સાધનો લઇ જવા, એકઠા કરવા અથવા તૈયાર કરવા જેવા કૃત્ય પર પણ પ્રતિબંધ ફરમાવાયો છે.આ ઉપરાંત મનુષ્યો, શબો, આકૃતિઓ કે પુતળા દેખાડવાની, જેનાથી સુરુચિ અથવા નિતિઓનો ભંગ થાય તેવા ભાષણ કરવાની, ભેદભાવ અથવા ચેષ્ટા કરવાની, તેમજ તેવા ચિત્રો, પ્લેકાર્ડ પત્રિકા અથવા બીજા કોઇ પદાર્થો કે વસ્તુઓ તૈયાર કરવા તથા બતાવવા કે ફેલાવો કરવા પર પણ પ્રતિબંધ મુકાયો છે. આ જાહેરનામાનો ભંગ કરનાર કોઈપણ વ્યક્તિ શિક્ષાને પાત્ર થશે.આ જાહેરનામું સરકારી નોકરીમાં કે કામ કરતી વ્યક્તિ કે જેને તેમના ઉચ્ચ અધિકારીએ કોઈપણ હથિયાર લઈ જવાનું ફરમાવ્યું હોય અને સક્ષમ સતાધિકારી તરફથી જેને પરવાનગી આપી હોય તેવી વ્યક્તિઓને લાગુ પડશે નહિ.#Morbi #MorbiUpdate #MorbiNews #WeaponBan #LawAndOrder #DistrictMagistrate #GujaratNews
.jpg)
