ધોરણ 6 થી 8 ના 104 વિદ્યાર્થીઓએ AI ટેકનોલોજીનો જાત અનુભવ મેળવ્યોટંકારા : જબલપુર પ્રાથમિક શાળા પીએમશ્રી ગુજરાત ખાતે ટેકનોલોજી ક્ષેત્રની વિશ્વપ્રસિદ્ધ કંપની ઇન્ટેલ (Intel) દ્વારા “AI For Youth” કાર્યક્રમ અંતર્ગત એક દિવસીય વિશેષ હેન્ડ્સ-ઓન વર્કશોપનું સફળ આયોજન કરવામાં આવ્યું હતું. આ વર્કશોપમાં શાળાના ધોરણ 6 થી 8 ના કુલ 104 વિદ્યાર્થીઓએ ઉત્સાહભેર ભાગ લીધો હતો.કાર્યક્રમ દરમિયાન વિદ્યાર્થીઓને માત્ર સિદ્ધાંત પૂરતું જ નહીં, પરંતુ કોમ્પ્યુટર પર જાતે પ્રયોગ કરીને આર્ટિફિશિયલ ઇન્ટેલિજન્સ (AI) ની કાર્યપદ્ધતિ સમજાવવામાં આવી હતી. ઇન્ટેલના નિષ્ણાતો દ્વારા વિદ્યાર્થીઓને કોમ્પ્યુટર વિઝન, ડેટા સાયન્સ અને નેચરલ લેન્ગ્વેજ પ્રોસેસિંગ (NLP) જેવા AI ના મહત્વપૂર્ણ વિષયો સરળ અને રસપ્રદ રીતે સમજાવવામાં આવ્યા હતા. ઇન્ટરેક્ટિવ સેશનના કારણે વિદ્યાર્થીઓમાં ટેકનોલોજી પ્રત્યે જિજ્ઞાસા અને નવીન વિચારશક્તિ વિકસતી જોવા મળી હતી.“AI For Youth” કાર્યક્રમનો મુખ્ય હેતુ યુવા પેઢીમાં ડિજિટલ સાક્ષરતા, સર્જનાત્મકતા અને ભવિષ્યલક્ષી ટેકનોલોજી અંગે જાગૃતિ ફેલાવવાનો છે. આ વર્કશોપથી ગ્રામીણ વિસ્તારના વિદ્યાર્થીઓને પણ આધુનિક ટેકનોલોજી સાથે જોડાવાનો સારો અવસર મળ્યો હતો. આ આયોજન બદલ શાળાના શિક્ષકો અને વાલીઓએ સંતોષ વ્યક્ત કર્યો હતો તેમજ ઇન્ટેલ કંપનીની આ પહેલથી વિદ્યાર્થીઓના ભવિષ્ય નિર્માણમાં મહત્વપૂર્ણ યોગદાન મળશે તેવી આશા વ્યક્ત કરવામાં આવી હતી.
.jpg)
