મોરબી : સૂર્યના રહસ્યો જાણવા માટે લોન્ચ કરવામાં આવેલા ઈસરોના સ્પેસક્રાફ્ટ આદિત્ય L-1ને પહેલી મોટી સફળતા મળી છે. તેણે સૌર કિરણોના પહેલા હાઈ-એનર્જી એક્સરે લીધા છે. આ સિદ્ધિ હાંસલ કરવામાં મહત્વની ભૂમિકા ભજવી છે આદિત્ય L-1 પર એટેચ્ડ હેલ-1 OSએ. ઈસરોએ મંગળવારે આ વાતની જાણકારી આપી. જેમાં જણાવવામાં આવ્યું કે આદિત્ય L-1 પર લાગેલા સ્પેક્ટ્રોમીટરે 29 ઓક્ટોબરે પોતાના પહેલા ઓબ્ઝર્વેશન પીરિયડ દરમિયાન સોલર ફ્લેયરને રેકોર્ડ કર્યા છે. ઇસરોએ ટવીટર એટલે કે એક્સ ઉપર માહિતી આપતા જણાવ્યું હતું કે, આદિત્ય એલ-1 દ્વારા 27 ઓક્ટોબરે શરુ કરવામાં આવેલા એચઈએલ 1 ઓએસ એક્સ-રે સ્પેક્ટ્રોમીટર વર્તમાનમાં થ્રેશોલ્ડ અને કેલિબરેશન ઓપરેશનના સુધારા દરમિયાન પસાર થઈ રહ્યાં છે. જે બાદથી આ કઠિન એક્સ-રે પ્રવૃત્તિઓ માટે સૂર્યનો અભ્યાસ કરે છે. ઈસરોએ એક્સની ટાઈમલાઈન પર લખ્યું કે- ઈન્સ્ટ્રૂમેન્ટ તેજ સમય અને હાઈ રિઝોલ્યૂશન સ્પેક્ટ્રાની સાથે સૂર્યની ઉચ્ચ ઉર્જા એક્સ રે પ્રવૃત્તિઓના અભ્યાસ માટે તૈયાર છે. એચઈએલ 1 ઓએસને બેંગલુરુમાં ઈસરોના યૂઆર રાવ ઉપગ્રહ કેન્દ્રના અંતરિક્ષ ખગોળ વિજ્ઞાન દ્વારા વિકસિત કરાયું હતું. ઓક્ટોબરની શરુઆતમાં ભારતના પહેલા સૌર મિશન અંતર્ગત આદિત્ય L-1 અંતરિક્ષ યાને લગભગ 16 સેકન્ડ માટે પ્રક્ષેપવક્ર સુધાર પ્રક્રિયાનું પ્રદર્શન કર્યું. ઈસરોએ ત્યારે કહ્યું હતું કે 19 સપ્ટેમ્બરે ટ્રાંસ-લેગ્રેઝન પોઈન્ટ 1 ઈન્સર્શન પ્રક્રિયાને ટ્રેક કર્યા બાદ મૂલ્યાંકન કરેલા પ્રક્ષેપવક્રને યોગ્ય કરવા માટે અભ્યાસની જરુર હતી. આદિત્ય L-1એ વૈજ્ઞાનિક ડેટા એકત્ર કરવાનું પણ શરુ કરી દીધું છે. સુપ્રા થર્મલ એન્ડ એનેર્જેટિક પાર્ટિકલ સ્પેક્ટ્રોમીટર ઉપકરના સેન્સરે પૃથ્વીથી 50,000 કિમીથી વધુના અંતરે સુપર થર્મલ અને ઉર્જાવાન આયનો અને ઈલેક્ટ્રોનને માપવાનું શરુ કરી દીધું છે.
.jpg)
