મોરબી: ભારતની દરિયાઈ સુરક્ષા અને રાષ્ટ્રીય એકતાના મજબૂત સંદેશ સાથે કેન્દ્રીય ઔદ્યોગિક સુરક્ષા દળ (CISF) દ્વારા આયોજિત “CISF વંદે માતરમ્ કોસ્ટલ સાયક્લોથોન-2026” આગામી ૩૦ જાન્યુઆરીના રોજ મોરબી જિલ્લામાં પ્રવેશશે. ૨૫ દિવસીય આ સાયકલ યાત્રા ગુજરાતથી કેરળ સુધીના અંદાજે ૬,૫૦૦ કિલોમીટર લાંબા દરિયાકાંઠાના પટ્ટા પર ભ્રમણ કરી જનજાગૃતિ ફેલાવશે.સરવડ ગામે યોજાશે ભવ્ય સ્વાગત અને વિશેષ કાર્યક્રમકચ્છના ઐતિહાસિક લખપત કિલ્લાથી પ્રસ્થાન થયેલી આ પશ્ચિમ દરિયાકાંઠાની ટીમનું ૩૦ જાન્યુઆરીએ મોરબીના માળિયા તાલુકાના સરવડ ગામ ખાતે આગમન થશે. આ પ્રસંગે મોરબી જિલ્લા વહીવટી તંત્ર અને રાજકોટ CISF યુનિટ દ્વારા ભવ્ય સ્વાગત અભિવાદન કરવામાં આવશે.સમય: સાંજે ૦૬:૦૦ થી ૦૮:૧૫ કલાકસ્થળ: સરવડ ગામ, તા. માળિયા (મિયાણા)દરિયાઈ સુરક્ષા અંગે જાગૃતિનો મુખ્ય ઉદ્દેશ્યઆ અભિયાન હેઠળ CISF રાજકોટ યુનિટને મોરબીના માળિયાથી જામનગરના જોડિયા સુધીના દરિયાકાંઠાના વિસ્તારોમાં સંકલનની જવાબદારી સોંપાઈ છે. આ દરમિયાન:સ્થાનિક માછીમારો અને યુવાનો સાથે સંવાદ કરવામાં આવશે.દરિયાઈ સીમાની સુરક્ષામાં સ્થાનિકોના યોગદાન અંગે માર્ગદર્શન અપાશે.‘વંદે માતરમ્’ ના ૧૫૦ વર્ષ નિમિત્તે દેશભક્તિની ચેતના જગાડવામાં આવશે.આ ઐતિહાસિક યાત્રા ૨૮ જાન્યુઆરીથી શરૂ થઈ છે અને ૨૨ ફેબ્રુઆરી સુધી ચાલશે, જે ભારતના સમુદ્રી ગૌરવ અને સુરક્ષા કવચને વધુ મજબૂત બનાવવાનો એક નવતર પ્રયાસ છે.
.jpg)
