વાંકાનેર : શિક્ષણ વિભાગ, ગુજરાત રાજ્ય તેમજ જીસીઇઆરટી, ગાંધીનગર પ્રેરિત 'નિપુણ ભારત મિશન' અંતર્ગત જિલ્લા શિક્ષણ અને તાલીમ ભવન, રાજકોટ દ્વારા સૌરાષ્ટ્ર-1 ઝોનકક્ષા વાર્તા સ્પર્ધા (વાર્તા કથન ) - વર્ષ 2024-25નું આયોજન કરવામાં આવ્યું હતું. જેમાં વિભાગ- 2, પ્રિપેરેટરી સ્ટેજ (ધોરણ : 3 થી 5)માં મોરબી જિલ્લાના વાંકાનેર તાલુકામાં આવેલી વઘાસિયા પ્રાથમિક શાળામાં ધોરણ - 4માં અભ્યાસ કરતી માથકિયા મેહવિશ ફિરોઝભાઈએ સમગ્ર સૌરાષ્ટ્ર-1 ઝોન કક્ષામાં પ્રથમ નંબર મેળવી પોતાના પરિવાર, શાળા, તથા વાંકાનેર તાલુકાનું ગૌરવ વધાર્યુ છે.મેહવિશ આગામી સમયમાં યોજાનાર રાજ્ય કક્ષાની વાર્તા સ્પર્ધામાં સૌરાષ્ટ્ર-1 ઝોનનું પ્રતિનિધિત્વ કરશે. મેહવિશ વાંકાનેર તાલુકાના મૂળ રાણેકપર ગામની વતની છે. મેહવિશના માતા વઘાસિયા પ્રાથમિક શાળા ખાતે શિક્ષિકા તથા પિતા કલેકટર કચેરી મોરબી ખાતે નાયબ મામલતદાર તરીકે ફરજ બજાવે છે.
.jpg)
