સ્નેહમિલનમાં પ્રતિભાશાળી દીકરા-દીકરીઓનું સન્માન કરવા અને દર વર્ષે માતાજીનો હવન યોજવા સહિતના મહત્વના નિર્ણયો લેવાયામોરબી : મોરબી તાલુકાના ખરેડા ગામે ચાડમિયા પરિવાર દ્વારા એક ભવ્ય પારિવારિક સ્નેહમિલન કાર્યક્રમનું આયોજન કરવામાં આવ્યું હતું. પ્રેમ, એકતા અને પરંપરાના ત્રિવેણી સંગમ સમાન આ કાર્યક્રમમાં પરિવારના વડીલો, યુવાનો તેમજ નાના બાળકો મોટી સંખ્યામાં ઉત્સાહભેર ઉપસ્થિત રહ્યા હતા.આનંદના ગરબા અને લાપસીનો પ્રસાદકાર્યક્રમની શરૂઆત આધ્યાત્મિક માહોલમાં માં બહુચરાજીના આશીર્વાદ સાથે કરવામાં આવી હતી. આ પ્રસંગે માતાજીના આનંદના ગરબાનું સુંદર આયોજન કરાયું હતું, જેમાં પરિવારના તમામ સભ્યો ભક્તિભાવ પૂર્વક જોડાયા હતા. ગરબા બાદ પરિવારના તમામ સભ્યોએ એકસાથે બેસીને પરંપરાગત લાપસીના પ્રસાદનો લાભ લીધો હતો, જેનાથી સૌહાર્દ અને એકતાનું સુંદર દ્રશ્ય જોવા મળ્યું હતું.આગામી આયોજનો અંગે લેવાયા મહત્વના નિર્ણયોસ્નેહમિલન અંતર્ગત પરિવારના સભ્યોની એક મહત્વપૂર્ણ બેઠક પણ યોજાઈ હતી. જેમાં આગામી વર્ષોમાં સ્નેહમિલન કાર્યક્રમને વધુ પ્રેરણાદાયક બનાવવા માટે સર્વાનુમતે કેટલાક નિર્ણયો લેવાયા હતા. જેમાં યુવા પેઢીને પ્રોત્સાહન મળી રહે તે માટે હવે પછીના સ્નેહમિલન કાર્યક્રમોમાં ચાડમિયા પરિવારના તેજસ્વી અને પ્રતિભાશાળી દીકરા-દીકરીઓનું જાહેર સન્માન કરવામાં આવશે. તેમજ પરિવારની સુખાકારી માટે દર વર્ષે સ્નેહમિલન પ્રસંગે નિયમિત રીતે માતાજીના હવનનું આયોજન કરવાનો નિર્ણય કરાયો હતો.સમગ્ર કાર્યક્રમ પરિવારની એકતા અને સંસ્કારોને ઉજાગર કરનારો રહ્યો હતો. કાર્યક્રમના અંતે આગામી સમયમાં પણ આ જ રીતે સંગઠિત રહીને પરિવારની એકતા વધુ મજબૂત બનાવવાનો સંકલ્પ વ્યક્ત કરવામાં આવ્યો હતો.#Morbi #KharedaVillage #ChadmiyaParivar #Snehmilan2026 #FamilyGetTogether #SocialNews #MorbiNews
.jpg)
