વર્ષ દરમિયાન શ્રેષ્ઠ કામગીરી કરનાર કર્મચારીઓને સન્માનિત કરાયામોરબી : મોરબી મહાનગરપાલિકાએ 1 વર્ષ પૂર્ણ કર્યુ છે. ત્યારે MMC@1 ના ભાગરૂપે શનાળા રોડ ખાતે મોરબી મહાનગરપાલિકા દ્વારા શહેરના સર્વાંગી વિકાસ- જનસેવા અને નાગરિક કલ્યાણ સેવાઓ માટે MMC ના કર્મચારીઓ માટે સ્નેહમિલન કાર્યક્રમ યોજાયો હતો. મહાનગરપાલિકા દ્વારા ગત વર્ષ 2025 દરમિયાન વિવિધ વિકાસ કાર્યો નાગરિક સુવિધાઓનું વિસ્તરણ સ્વચ્છતા રમતગમત સાંસ્કૃતિક અને જન ભાગીદારી ક્ષેત્રે જે નોંધપાત્ર કામગીરી મોરબી મહાનગરપાલિકા બન્યું ત્યારબાદ કરી છે, તેની સિદ્ધિઓને બિરદાવવા માટે MMC ના કર્મચારીઓ માટે આ કાર્યક્રમ યોજાયો હતો. આ સ્નેહમિલન કાર્યક્રમની શરૂઆત મનપાના કમિશનર સ્વપ્નિલ ખરે IAS, નાયબ કમિશનર કુલદીપસિંહ વાળા, નાયબ કમિશનર સંજય કુમાર સોની, CFO, સિટી એન્જિનિયર સહિતના અધિકારીઓ દ્વારા દીપ પ્રાગટ્ય કરી કરવામાં આવી હતી. આ કાર્યક્રમને શરૂઆતમાં કર્મચારીઓને મ્યુઝિકલ ચેર- ટીમ બિલ્ડીંગ જેવી રમત રમાડવામાં આવી હતી. ત્યારબાદ વર્ષ દરમિયાન શ્રેષ્ઠ કામગીરી કરનાર કર્મચારીઓને બિરદાવવા માટે પ્રમાણપત્ર આપી સન્માનિત કરવામાં આવ્યા હતા. જેમાં BLS તરીકે સેવા આપનાર ડો. નિધિ સુરાણી, ડો. મોનિકા પટેલ, ડો. મહેન્દ્ર ફેફર, તેમજ MMC@1 અંતર્ગત યોજાયેલ ટાઈપિંગ સ્પર્ધાના વિજેતાઓ (1) કર્તવ્યભાઈ ભટ્ટ (2) ધરતીબેન ચીખલીયા (3) ગૌરવકુમાર સોલંકીને પ્રમાણપત્ર આપી સન્માનિત કરવામાં આવ્યા હતા. વિવિધ શાખાને શ્રેષ્ઠ વિવિધ શાખાને શ્રેષ્ઠ કામગીરી બદલ ટેક્સ શાખા, વહીવટી વિભાગમાં મહેકમ શાખા અને રમતગમત શાખાને પ્રમાણપત્ર આપી સન્માનિત કર્યા હતા. બેસ્ટ શાખા અધ્યક્ષ તરીકે અને બેસ્ટ એમ્પ્લોય ઓફ e-સરકાર તરીકે હિતેન્દ્ર આદ્રોજા, ગૌરવકુમાર સોલંકી અને કેવલ કલોલાને પ્રમાણપત્ર આપી સન્માનિત કરવામાં આવ્યા હતા. ત્યારબાદ ANCT શાખાના કર્મચારીઓ દ્વારા જન જાગૃતિ અંગે નાટક રજૂ કરવામાં આવ્યું હતું. આ કાર્યક્રમમાં વયનિવૃત્તિના કારણે નિવૃત્ત થતા કર્મચારીઓને તેમની ગ્રેજ્યુટી, પીએફ અને અન્ય લાભોના ચેક વિતરણ કરવામાં આવ્યા હતા.આ સ્નેહમિલન કાર્યક્રમના મનપાના કમિશનર સ્વપ્નિલ ખરેએ જણાવ્યું હતું કે, છેલ્લા એક વર્ષમાં સતત દિવસ રાત મહેનત કરી MMC ના કર્મચારીઓ પોતાની ફરજ સફળતાપૂર્વક નિભાવી રહ્યા છે. રાત્રિ સફાઈ ઝુંબેશ, ઈલેક્ટ્રીક, ડ્રેનેજ, ફાયર સહિતની ટીમ સતત ખડે પગે રહે છે, આ સમગ્ર કામગીરીમાં કર્મચારીઓની મહત્વની ભાગીદારી રહી છે.કાર્યક્રમના અંતિમ ચરણમાં મોરબી મહાનગરપાલિકા સફળતાપૂર્વક એક વર્ષ પૂર્ણ કર્યું હોય તેની MMC@1 ઉજવણીના ભાગરૂપે તમામ સુરક્ષા વ્યવસ્થા સાથે શહેરીજનોના આનંદ અને ઉત્સાહમાં વધારો કરવા ભાઈચારાની ભાવના સાથે અત્યંત સુંદર અને નયનરમ્ય નજારો આતિશબાજી કાર્યક્રમ યોજાયો હતો. જેમાં મહાનગરપાલિકાના કર્મચારીઓ નગરજનો બહોળા પ્રમાણમાં હાજર રહ્યા હતા. આ કાર્યક્રમમાં ધારાસભ્ય દુર્લભજીભાઈ દેથરીયા, મહાનગરપાલિકાના કમિશનર સ્વપ્નિલ ખરે, નાયબ કમિશનર કુલદીપસિંહ વાળા, નાયબ કમિશનર સંજયકુમાર સોની, ચીફ ફાયર ઓફિસર, સિટી એન્જિનિયર સહિતના રાજકીય આગેવાનો અને અધિકારીઓ ઉપસ્થિત રહ્યા હતા.
.jpg)
