કેમ્પસમાં સફાઈ ઝુંબેશ ચલાવી 20 જેટલા રોપાઓનું વાવેતર કરાયું: કાર્યક્રમમાં 210 તાલીમાર્થીઓ જોડાયામોરબી અપડેટ: આઈ.ટી.આઈ. મોરબી ખાતે તાજેતરમાં 'સેવા સંકલ્પ અભિયાન' અંતર્ગત સ્વચ્છતા અભિયાન અને વૃક્ષારોપણ કાર્યક્રમનું ઉત્સાહભેર આયોજન કરવામાં આવ્યું હતું. જેમાં સંસ્થાના સ્ટાફ અને તાલીમાર્થીઓએ મોટી સંખ્યામાં ભાગ લઈ પર્યાવરણ બચાવવાનો સંદેશ આપ્યો હતો.પ્રાપ્ત વિગતો અનુસાર આ કાર્યક્રમમાં સંસ્થાના IMC ઓફ ITI મોરબીના વાઇસ ચેરમેન અમિતભાઈ કાસુન્દ્રા, આચાર્ય નીતિન ચનિયારા, કર્મચારીઓ અને 210 જેટલા તાલીમાર્થીઓએ ઉત્સાહપૂર્વક ભાગ લીધો હતો. સૌએ સાથે મળીને સંસ્થાના ગાર્ડન, પાર્કિંગ અને પરિસરમાં સઘન સફાઈ ઝુંબેશ ચલાવી હતી અને એકત્ર થયેલા કચરાનો યોગ્ય નિકાલ કર્યો હતો.સ્વચ્છતાની સાથોસાથ પર્યાવરણ જાળવણીના ભાગરૂપે કેમ્પસમાં 20 જેટલા વિવિધ રોપાઓનું વાવેતર કરવામાં આવ્યું હતું અને તેના નિયમિત જતન અને સંવર્ધન માટેનો સંકલ્પ લેવાયો હતો. વાઇસ ચેરમેન અમિતભાઈ તથા સંસ્થાના વડા દ્વારા ઉપસ્થિત સૌને સમાજ સેવા અને રાષ્ટ્રનિર્માણના કાર્યોમાં જોડાવા પ્રોત્સાહિત કરવામાં આવ્યા હતા. આ કાર્યક્રમ થકી તાલીમાર્થીઓમાં પર્યાવરણ સંરક્ષણ, સ્વચ્છતા અને સામાજિક સેવાની ભાવના વધુ મજબૂત બની હતી.#Morbi #ITIMorbi #SwachhataAbhiyan #TreePlantation #MorbiUpdate #SevaSankalpAbhiyan #CleanIndia Gemini
.jpg)
