મોરબી : મોરબી જિલ્લામાં સ્થાનિક સ્વરાજ્યની સંસ્થાઓ જેવી કે તાલુકા પંચાયત, જિલ્લા પંચાયત, નગરપાલિકા અને મહાનગરપાલિકાની આગામી ચૂંટણી માટે રાજકીય ગરમાવો તેજ બન્યો છે. મુખ્ય પક્ષોએ ઉમેદવારોની પસંદગી માટે આખરી ઓપરેશન શરૂ કરી દીધું છે. બીજી તરફ, ભાવિ ઉમેદવારો અને ટિકિટના દાવેદારો પણ પોતાની ઉમેદવારી કન્ફર્મ કરવા ભારે લોબિંગ સાથે એડીચોટીનું જોર લગાવી રહ્યા છે.આ ચૂંટણી માહોલની વચ્ચે મોરબી જિલ્લા ભાજપમાં અત્યાર સુધી ક્યારેય ન જોવા મળ્યો હોય તેવો જૂથવાદ ખુલ્લીને સપાટી પર આવ્યો છે. રાજકીય વર્તુળોમાં ચાલતી ચર્ચા મુજબ, ખાસ કરીને મોરબીના ધારાસભ્ય અને રાજ્યમંત્રી કાંતિલાલ અમૃતિયા તેમજ ભાજપના દિગ્ગજ આગેવાન અને પૂર્વ સાંસદ મોહનભાઈ કુંડારીયા વચ્ચે પોતાના સમર્થકોને ટિકિટ અપાવવા અને ચૂંટણીના મેદાનમાં ઉતારવા માટે ભારે ખેંચતાણ ચાલી રહી હોવાની ચર્ચા તેજ બની છે.કમલમ ખાતે મોડી રાત સુધી ચાલેલી મેરેથોન બેઠક અને ગરમાગરમીગઈકાલે મોરબી મહાનગરપાલિકાની ચૂંટણી માટેની સેન્સ પ્રક્રિયા પૂરી થયા બાદ મોરબીમાં ભાજપના કમલમ કાર્યાલય ખાતે સંકલન સમિતિની બેઠક મોડી રાત સુધી ચાલી હતી. આ બેઠકમાં રાજ્યમંત્રી કાંતિલાલ અમૃતિયા, પૂર્વ સાંસદ મોહનભાઈ કુંડારીયા, જિલ્લા ભાજપ પ્રમુખ અને જિલ્લા ભાજપ પ્રભારી સહિતના આગેવાનો ઉપસ્થિત રહ્યા હતા. સૂત્રો પાસેથી મળતી માહિતી મુજબ, આ મિટિંગમાં અમુક ચોક્કસ બેઠકો માટે પોતાના મનગમતા ઉમેદવારોના નામોને લઈને નેતાઓ વચ્ચે ભારે ગરમાગરમી અને ખેંચતાણ પણ જોવા મળી હોવાની ચર્ચા છે.ઉમેદવાર પસંદગીનો મામલો ગાંધીનગર પહોંચ્યો સ્થાનિક સ્તરે અમુક સીટો પર ઉમેદવારોની પસંદગીનો કોયડો ન ઉકેલાતા હવે મોરબીના સ્થાનિક ભાજપ આગેવાનો આ મામલે ગાંધીનગર પહોંચ્યા છે. પ્રદેશ નેતૃત્વ દ્વારા આ ગૂંચવાયેલા કોકડાને ઉકેલવા અને ઉમેદવારોની યાદીને ફાઈનલ ટચ આપવાની કવાયત હાથ ધરવામાં આવી છે.મોરબીનો રાજકીય અને ચૂંટણી ઇતિહાસ: વર્ચસ્વની જૂની લડાઈમોરબી જિલ્લાના રાજકીય ઇતિહાસ પર નજર કરીએ તો, 1995 થી આ વિસ્તાર મોટેભાગે ભાજપનો મજબૂત ગઢ રહ્યો છે. 2013 માં મોરબીને અલગ જિલ્લાનો દરજ્જો મળ્યા બાદ અહીં પંચાયતી રાજની સંસ્થાઓમાં સત્તા હસ્તગત કરવા માટે રાજકીય મહત્વ ખૂબ વધી ગયું હતું. પાટીદાર અનામત આંદોલન સમયે (વર્ષ 2015 ની સ્થાનિક અને 2017 ની વિધાનસભા ચૂંટણી) અહીં કોંગ્રેસે ગાબડું પાડ્યું હતું, પરંતુ ત્યારબાદ ભાજપે ફરી પોતાનું વર્ચસ્વ સ્થાપિત કર્યું છે.કાંતિલાલ અમૃતિયા વર્ષોથી મોરબી બેઠક પર પ્રતિનિધિત્વ કરતા આવ્યા છે અને સતત લોકોની વચ્ચે રહેતા 'કાનાભાઈ' તરીકેની લોકપ્રિય છાપ ધરાવે છે. જ્યારે મોહનભાઈ કુંડારીયા પાટીદાર સમાજના કદાવર નેતા છે અને દાયકાઓ સુધી સાંસદ તરીકેનો બહોળો પ્રભાવ ધરાવે છે. બંને નેતાઓનો પોતાનો એક અલગ અને મોટો સમર્થક વર્ગ છે. અગાઉ પણ પડદા પાછળ આ બંને નેતાઓના જૂથ વચ્ચે શીતયુદ્ધ જોવા મળ્યું છે, પરંતુ આ વખતે નવી બનેલી મહાનગરપાલિકા અને જિલ્લા પંચાયત પર વર્ચસ્વ જમાવવાની લડાઈ વધુ ઉગ્ર બની છે.નિર્ણાયક પરિબળો અને આગામી ચિત્રમોરબી જિલ્લાની જનતા અને રાજકીય વિશ્લેષકોની નજર હાલ એ વાત પર છે કે ઉમેદવારોની પસંદગીમાં કયા જૂથનું પલડું ભારે રહે છે. ઉમેદવારોની ફાઈનલ યાદી જાહેર થયા બાદ, ટિકિટથી વંચિત રહેલા અને પક્ષમાં કોરાણે મુકાયેલા સ્થાનિક આગેવાનો ચૂંટણીમાં કેવી ભૂમિકા ભજવે છે તે સૌથી મોટો અને નિર્ણાયક વિષય બની રહેશે.રાજકીય પંડિતો માની રહ્યા છે કે આ વખતનો ચૂંટણી માહોલ અત્યંત રસપ્રદ છે. એક તરફ ભાજપ, કોંગ્રેસ અને આમ આદમી પાર્ટી (AAP) વચ્ચે જંગ છે, તો બીજી તરફ ઉમેદવાર પસંદગીના આંતરિક અસંતોષને કારણે 'ભાજપ વિરુદ્ધ ભાજપ' જેવી સ્થિતિ પણ ઉભી થાય તેવો તખ્તો ગોઠવાઈ રહ્યો છે. જો નારાજ નેતાઓ ભીતરઘાત કરશે તો સમીકરણો બદલાઈ શકે છે. હવે જોવું એ રહ્યું કે મોવડીમંડળ આ ડેમેજ કંટ્રોલ કરવામાં કેટલું સફળ રહે છે.#MorbiUpdate #Morbi #MorbiElections #BJP #GujaratPolitics #KantilalAmrutiya #MohanbhaiKundariya #LocalBodyElections #MorbiNews #GujaratElections
.jpg)
