મોરબી : મોરબી જિલ્લામાં દિવાળીના તહેવારો બાદ ભાઈબીજના દિવસે માવઠું થયું હતું.અચાનક પડેલા કમોસમી વરસાદને કારણે ખેડૂતોના મોઢે આવેલો કોળિયો છીનવાયો હતો.કમોસમી વરસાદથી ઉભા પાકોમાં ભારે નુકશાન થયું હતું.ત્યારે પહેલેથી જ અતિવૃષ્ટિએ ગ્રસ્ત રહેલા મોરબી જિલ્લાના ખેડૂતોને આ માવઠાથી પડ્યા ઉપર પાટુ પડી હોય તેવી સ્થિતિ સર્જાઈ હતી.આથી આ માવઠા માટેની સહાય માટે મોરબી જિલ્લાના 3471 ખેડૂતોએ બે દિવસમાં અરજી કરી હતી.આ અરજીઓ આધારે વીમા કંપનીઓ સર્વે કરશે,વીમા કંપનીઓ સર્વે દરમિયાન જે ખેડૂતોની અરજી રીજેક્ટ કરશે તેની જિલ્લા ખેતીવાડી અધિકારી દ્વારા ચકાસણી કરાશે.
.jpg)
