- text
સામાકાંઠા વિસ્તારમાં શોભેશ્વર રોડ ઉપરની ઘટના
મોરબી : મોરબીના સામાકાંઠા વિસ્તારમાં શોભેશ્વર રોડ ઉપર ચાર શખ્સોએ ફિલ્મી ઢબે કારમાં તલવાર સાથે ધસી જઈ જુના ઝઘડાના ખારમાં જાનથી મારી નાખવા ધમકી આપતા સીટી બી ડિવિઝન પોલીસ મથકમાં ફરિયાદ નોંધાઇ છે.
- text
બનાવ અંગે જાણવા મળતી વિગતો મુજબ મોરબીના સામાકાંઠા વિસ્તારમાં શોભેશ્વર રોડ ઉપર કુબેર ટોકીઝ પાછળ રહેતા સંગીતાબેન વિનોદભાઈ શિરોયાએ બી ડિવિઝન પોલીસ મથકમાં ફરિયાદ નોંશવતા જણાવ્યું હતું કે, તેમના દિયર રાહુલ અને તેના મિત્ર વિશાલને દોઢેક માસ પૂર્વે આરોપી આરીફ અબ્દુલભાઇ મિયાણા સાથે ઝઘડો થયેલ હોય તે વાતનું મનદુઃખ રાખી આરોપી આરીફ અબ્દુલભાઇ મિયાણા, ઇકબાલ, અલ્તાફ અને સાગીર નામના શખ્સો તા.7ની રાત્રીએ ફોરવ્હીલમા સંગીતાબેનના ઘેર ધોકા, તલવાર સાથે ધસી આવ્યા હતા અને ગાળો આપી જાનથી મારી નાખવા ધમકી આપી હતી. બનાવ અંગે સીટી બી ડિવિઝન પોલીસે ચારેય આરોપીઓ વિરુદ્ધ ગુન્હો નોંધી તપાસ શરૂ કરી છે.
- text
