- text
પત્નીને સારવાર અર્થે હોસ્પિટલમાં ખસેડાઇ
મોરબી : મોરબીના મકાનસર ગામે રહેતા પરપ્રાંતીય દંપતી વચ્ચે અવાર નવાર કંજીયા કંકાસ થતા હોય પતિ સાથેના ઝઘડાથી કંટાળીને પત્નીએ માથામાં નાખવાની મહેંદીની પડીકી પાણીમાં નાખી પી લીધી હતી.આથી પત્નીને સારવાર અર્થે હોસ્પિટલમાં ખસેડાઇ છે. તાલુકા પોલીસે આ બનાવની વધુ તપાસ હાથ ધરી છે.
- text
આ બનાવની મોરબી તાલુકા પોલીસ સ્ટેશનમાંથી પ્રાપ્ત વિગતો અનુસાર મોરબીના મકનસર ગામે ગોકુલનગર ગામે રહેતી આકાંક્ષાબેન આકાશભાઇ યાદવ (ઉવ.૨૨) નામની પરિણીતાએ ગત તા.૨૨ ના રોજ માથામાં નાખવાની મહેંદીની પડીકી પાણીમાં નાખી પી જતા તેણીને અસર થવાથી તાત્કાલિક વાંકાનેરની સિવિલ હોસ્પિટલમાં ખસેડાઇ હતી.આ બનાવ અંગે વાંકાનેરની સિવિલ હોસ્પિટલના ડોક્ટરે જાણ કરતા મોરબી તાલુકા પોલીસે આ બનાવની તપાસ હાથ ધરી હતી.જેમાં પરિણીતાને તેના પતિ આકાશભાઇ ગૌપ્રસાદભાઇ યાદવ સાથે અવાર-નવાર બોલાચાલી ઝગડો થતો હોય તેણી ને લાગી આવતા પોતે માથામાં નાખવાની મહેંદીની પડીકી પાણીમાં નાખી પી ગઈ હોવાનું પ્રાથમિક તપાસમાં ખુલ્યું છે.પરિણીતાનો લગ્ન ગાળો ચાર વર્ષનો છે.મોરબી તાલુકા પોલીસે આ બનાવની નોંધ કરી પ્રાથમીક તપાસ પો.સબ.ઇન્સ. ડી.વી.ડાંગરએ કરી આગળની તપાસ નાયબ પોલીસ અધિક્ષક ચાલવી રહ્યા છે.
- text
