મોરબી : જિલ્લામાં ૧૪૪ કલમનો ભંગ : કોંગ્રેસ પ્રમુખે કાર્યકરોનો આભાર માન્યો

- text


મોરબી જિલ્લામાં એક સ્થળે ૪થી વધુ વ્યક્તિ ભેગા ન મળી શકે, સભા કે સરઘસ ન કાઢી શકે તેવા જિલ્લા વહિવટી કલમ ૧૪૪નાં જાહેરનામાનો મોરબી જિલ્લા કોગ્રેસ કાર્યકરોએ મોરબી, માળિયા.મી. અણીયારી ચોકડી, હળવદ, વાંકાનેર અને ટંકારામાં સવિનય કાનુન ભંગ કરી ખેડૂતોને થતા અન્યાય સામે રસ્તા રોકો આંદોલનને સફળ બનાવ્યું તે બદલ કોંગ્રેસનાં તમામ નાના-મોટા કાર્યકરો, આગેવાનોનો અભાર માનતા મોરબી જિલ્લા કોંગ્રેસ પ્રમુખ બ્રિજેશ મેરજાએ જણાવ્યું હતું કે, આ રીતે કોંગ્રેસ એક જુટ બની લોકસમસ્યાની લડત આપતી રહેશે. કેટલાંક ઠેકાણે સ્થાનિક પોલીસની બળજબરી સામે સંઘર્ષમાં ઉતરીને પણ અસંખ્ય કોંગ્રેસ કાર્યકરોએ પોલીસ અટકાયત વહોરી લઈ ખેડૂતોના હિતમાં જે હિંમત દાખવી છે તે બદલ કોંગ્રેસ જિલ્લા પ્રમુખ બ્રિજેશ મેરજાએ સૌ કાર્યકરોને અભિનંદન પાઠવ્યા છે.

- text