- text
ભવાનીનગરમાંથી 3 શખ્સો તથા અરૂણોદયનગરમાંથી 6 શખ્સોની અટકાયત
મોરબી : ગઈકાલે તા. 30ના રોજ મોરબી શહેરના ભવાનીનગરમાંથી 3 શખ્સો તથા અરૂણોદયનગરમાંથી 6 શખ્સો જુગાર રમતા ઝડપાયા હતા. પોલીસે મોરબી સીટી બી ડિવિઝન પોલીસ સ્ટેશનમાં તમામ આરોપીઓ વિરુદ્ધ જુગારધારા હેઠળ ગુનો નોંધ્યો છે. તેમજ આરોપીઓની અટકાયત કરી છે.
મોરબીના વીશીપરામાં અમરેલી રોડ પર આવેલ ભવાનીનગરમાં જાહેરમાં જુગાર રમતા મેહુલભાઇ તેજાભાઇ અગેચાણીયા, અક્ષયભાઇ બાબુભાઇ અગેચાણીયા તથા કિરીટભાઇ બાબુભાઇ અગેચાણીયાને પકડી પાડવામાં આવ્યા છે. આ બનાવમાં પોલીસે આરોપીઓ પાસેથી રૂ. 3,860 જપ્ત કર્યા છે.
- text
આ ઉપરાંત, મોરબીમાં ઉમા ટાઉનશીપ ગેઇટ સામે અરૂણોદયનગરમાં રહેણાંક મકાનમાં જુગાર રમવાના અખાડામાં જુગાર રમતા છ શખ્સોને ઝડપી પાડવામાં આવ્યા છે. પોલીસે આરોપીઓ પાસેથી રૂ. 50,500 કબ્જે કર્યા છે. આ બનાવમાં રાજેન્દ્રસીંહ ઉર્ફે રાજભા લાલુભા જાડેજા, પ્રકાશભાઇ પ્રેમજીભાઇ ફુલતરીયા, બળવંતસીંહ વખતસીંહ વાઘેલા, મગનભાઇ જેરામભાઇ રાજપરા, કાનજીભાઇ આંબાભાઇ છત્રોલા તથા જંયતીભાઇ વાઘજીભાઇ વરસડાની અટકાયત કરવામાં આવી છે.
- text
