- text
બે શખ્સોએ યુવાન ઉપર હુમલો કર્યાની ફરિયાદ નોંધાઈ
માળીયા : માળીયા મિયાણામાં પંચરની દુકાને બેઠેલા મિત્રો વચ્ચે મસ્તી કરવામાં વાત વણસી જતા ઉશ્કેરાયેલા બે શખ્સોએ યુવાન ઉપર હુમલો કર્યાની માળીયા પોલીસ મથકે ફરિયાદ નોંધાઈ છે. માળીયા પોલીસે બન્ને આરોપીઓ સામે ગુનો નોંધી વધુ તપાસ હાથ ધરી છે.
- text
આ બનાવની માળીયા મીંયાણા પોલીસ સ્ટેશનમાંથી પ્રાપ્ત થતી વિગતો અનુસાર ફરિયાદી કાદરભાઈ કરીમભાઈ મોવર (ઉ.વ.-૨૫, રહે જુશબપીરની દરગાહ પાસે, માળીયા મીયાણા)એ આરોપીઓ સલમભાઈ અકબરભાઈ મોવર (રહે. માળીયા મીયાણા) સંધના પેટ્રોલ પંપ પાસે તથા અજાણ્યો ઇશમ સામે ફરિયાદ નોંધાવી હતી કે ગઈકાલે તા.૩૦ ના રોજ ફરીયાદી તથા આરોપી પંચરની દુકાને બેઠા હતા ત્યારે એકબીજા સાથે મસ્તી કરતા આરોપીએ ફરીયાદીને ગાળો દેવા લાગતા ફરીયાદીએ ગાળો દેવાની ના પાડતા આરોપી એકદમ ઉશકેરાય જય પંચર દુકાનમાંથી લોખંડની ટામી લઈ આરોપીએ ફરીયાદીને પકડી રાખી બીજા આરોપીએ ફરીયાદીના માથે લોખંડની ટામીનો એક ધા મારી ઇજા કરીને જાનથી મારી નાખવાની ધમકી આપી હતી. માળીયા પોલીસે આ બનાવની ફરિયાદ નોંધીને ધોરણસરની કાર્યવાહી હાથ ધરી છે.
- text
