- text
માળીયા (મી.) : માળીયા મિયાણાના નાના દહીંસરા ગામની સીમમાં રાત્રીના સમયે બેટરીના અજવાળામાં જાહેરમાં ગંજીપત્તાની હરજીતનો જુગાર રમતા 6 પત્તાપ્રેમીઓને પોલીસે ઝડપી પાડી 27100 રૂપિયાનો મુદ્દામાલ ઝપ્ત કરી ધોરણસરની કાર્યવાહી હાથ ધરી છે.
- text
માળીયા (મી.) પોલીસ સ્ટે.ની હદમાં આવતા નાના દહીંસરા ગામની સીમમાં જુગાર રમાતો હોવાની બાતમીને આધારે સ્થળ તપાસ કરતા 6 ઈસમો બેટરીનું અજવાળું કરી ગંજીપત્તા વડે રોકડ રકમની હાર જીતનો જુગાર રમતા મળી આવ્યા હતા. પીપળીયાના રસ્તે આવેલ શૈલેષ રેવાભાઈ ભટાસણાના ખેતરમાંથી જુગાર રમતા ઝડપાયેલા વલ્લમજી ગોવિંદભાઇ ભટાસણા ઉં.વ.60, પ્રવીણ ગણેશભાઈ ભટાસણા ઉં.વ.48, શૈલેષ રેવાભાઈ ભટાસણા ઉં.વ.36, રમેશ નાગજીભાઈ ભટાસણા ઉં.વ.41, અંબારામ વેલજીભાઈ ઘોરણીયા ઉં.વ.60 અને પ્રાગજી બેચરભાઈ ભટાસણા ઉં.વ. 62 રહે. બધા નાના દહીંસરા વાળાઓને 2 બેટરી કિંમત રૂ. 500 તથા રોકડ રૂપિયા 26600 આમ કુલ મળીને 27100ના મુદ્દામાલ સાથે ઝડપીને કાયદેસર કાર્યવાહી હાથ ધરી છે.
- text
