- text
યુવાનને માર મારનાર અન્ય શખ્સોની પણ તોળાતી ધરપડક
મોરબી : મોરબીના મકનસર ગામ નજીક નવા બની રહેલા પોલીસ હેડ ક્વાર્ટર પાસેથી એક યુવાનની હત્યા કરાયેલી હાલતમાં લાશ મળી આવવાના બનાવમાં એક પોલીસ કર્મી અને પાંચ જીઆરડી જવાનોની.મુખ્ય સંડોવણી હોવાનું ખુલતા પોલીસે બનાવના દિવસે એક પોલીસ કર્મી અને બે જીઆરડી જવાનોને ઝડપી લીધા હતા.હાલ આ ત્રણેય આરોપી ત્રણ દિવસના રિમાન્ડ પર છે.ત્યારે તાલુકા પોલીસે અન્ય ત્રણ જીઆરડી જવાનો ઝડપી લઈને ધોરણસરની કાર્યવાહી હાથ ધરી છે.
મોરબી તાલુકાના મકનસર ગામ નજીક નવા બની રહેલા પોલીસ હેડ કવાર્ટરની સાઇટ પાસેથી ત્રણ દિવસ પહેલા એક યુવાનની હત્યા કરાયેલી હાલતમાં લાશ મળી આવી હતી. પોલીસની વિશેષ તપાસમાં ખુદ પોલીસ કર્મી અને પાંચ જીઆરડી જવાનોએ આ યુવાનની હત્યા કર્યાનો ચોકવનારો ઘટસ્ફોટ થયો હતો.હેડ ક્વાર્ટરની સાઈટમાં કામ કરતા સુપરવાઈઝર રાકેશ રાઠોડે આ બનાવનો ખુલાસો કર્યો હતો.તેણે તાલુકા પોલીસમાં ફરિયાદ નોંધાવી હતી કે, આ સાઇટ પર ફરજ માટે મુકાયેલા પોલીસ કર્મી કિશોરભાઈ ગોવાણી તથા પાંચ જીઆરડી જવાનોએ આ યુવાનને ઢોર માર મારતા તેનું મોત નીપજ્યું હતું..બાદમાં પોલીસની તપાસમાં તપાસમાં એવી વિગતો બહાર આવી હતી કે, આરોપી પોલીસ કર્મચારીને રાતાંવીરડા ગામે કોઈ શખ્સ મોબાઈલ ચોરીમાં પકડાયો હોવાની જાણ થતાં તે ત્યાં જઈને લોકોના હાથે માર ખાતા આ શકમંદ શખ્સને છોડાવી સાઇટ પર પૂછપરછના બહાને લઈ આવીને માર માર્યો હતો અને તેનું મોત થતા આ હત્યાના ગુનામાં આરોપી કિશોર ગોવાણી, કમલેશ દેગામાં અને હાર્દિક બરાસરાની ધરપડક કર્યા બાદ હાલ ત્રણેય આરોપીઓ ત્રણ દિવસના રિમાન્ડ પર છે.ત્યારે આજે તાલુકા પોલીસે આ બનાવના આરોપી ત્રણ જીઆરડી જવાનો સુરેશભાઈ દેવરાજભાઈ બાબરીયા, મુકેશભાઈ ઉર્ફે મુકો મોહનભાઇ પરમાર અને મહેશભાઈ કાનજીભાઈ પરમારને ઝડપી લઈને રિમાન્ડની તજવીજ હાથ ધરી છે.જોકે આ બનાવમાં મૃતક યુવાનને માર મારનાર અન્ય શખ્સોની પણ ધરપકડ તોળાઈ રહી છે.
- text
આપણું મોરબી..આપણો રેડીઓ..
Morbi Update ન્યુઝ એપ્લિકેશન અને વેબસાઈટને મોરબીના લાખો લોકોએ વધાવી લીધી છે. ત્યારે મોરબીના લાખો લોકોના પ્રેમ અને આશીર્વાદથી મોરબી અપડેટ દ્વારા સમાચારોથી વધુ આપવાના હેતુ સાથે યંગ ઇન્ડિયા ગ્રુપના સહયોગથી શરૂ કર્યો છે મોરબીનો પોતાનો રેડીઓ એટલે કે મોરબી એપ રેડિયો..
Morbi Update ની નવા રૂપરંગ અને નવા રેડીઓ ફીચર સાથેની એપ્લિકેશન અપડેટ કરવા અથવા ડાઉનલોડ કરવા નીચેની લિંક પર ક્લીક કરો..
https://play.google.com/store/apps/details?id=com.morbiupdwsate.ne
- text
