- text
હળવદના માલણીયાદ ગામની ઘટના : બન્ને મહિલાઓને સુરેન્દ્રનગર સારવારમાં ખસેડાયા
હળવદ : હળવદ તાલુકાના માલણિયાદ ગામે આજે દીવાલ ચણવા જેવી નજીવી બાબતે સાસુ-વહુ ઉપર ભત્રીજાએ પાઈપ વડે હુમલો કરાતા ઈજાગ્રસ્ત બન્ને મહિલાઓને સારવાર માટે હળવદની સરકારી હોસ્પિટલ બાદ વધુ સારવાર અર્થે સુરેન્દ્રનગર રીફર કરાયા હતા.
- text
જાણવા મળ્યા મુજબ આજે હળવદના માલણિયાદ ગામે રહેતા અસ્મીતાબેન રણછોડભાઈ કણઝરીયા (ઉ.વ.ર૬) અને રૈયાબેન ટપુભાઈ કણઝરીયા (ઉ.વ.પપ) આજે તેમના ફળીયામાં દિવાલ ચણવાનું કામ ચાલતું હોય ત્યારે એકા – એક રૈયાબેનનો ભત્રીજા ત્યાં આવી જેમતેમ બોલાચાલી કરી રૈયાબેનને માથાના ભાગે તેમજ હાથના ભાગે લોખંડના પાઈપ વડે હુમલો કર્યો હતો જેમાં અસ્મીતાબેન વચ્ચે પડતા તેમના પર પણ હુમલો કરાતા બન્ને ઈજાગ્રસ્તોને હળવદની સરકારી હોસ્પિટલ ખાતે સારવાર માટે લાવવામાં આવ્યા હતા.જયાં ફરજના તબીબ ડો.કૌશલ પટેલે પ્રાથમિક સારવાર આપ્યા બાદ બન્ને ઈજાગ્રસ્તોને માથાના અને હાથના ભાગે ગંભીર ઈજાઓ પહોંચેલ હોય જેથી વધુ સારવાર અર્થે સુરેન્દ્રનગર રીફર કરાયા હતા.
- text
