- text
બાળકોમાંથી મોબાઈલ મેનિયા દૂર કરવા માતાપિતાને સુધરવું પડશે : મોબાઈલમાં રચ્યા પચ્યા રહેતા બાળકોને સ્ક્રિન ડીપેન્ડેન્સી ડીસઓર્ડર થાય છે : બાળરોગ નિષ્ણાંત ડો. મનીષ સનારીયા
મોરબી : ૨૧મી સદીમાં અાપણા બાળકોને માત્ર બેક્ટેરિયા અને વાયરસ જેવા ચેપી જીવાણુઓના ખતરા ઉપરાંત સૌથી મોટો ખતરો મોબાઇલ-ટીવી, વિડિયો ગેમ્સ, આઈપેડ બની રહ્યો છે. તબીબી જગત બાળકોના મોબાઈલ મેનિયાથી ચિંતિત બન્યુ છે.સ્ક્રિન ડેપેન્ડન્સી ડિસઓર્ડર ના નામથી ઓળખાતી બીમારીએ આપણે ત્યાં અસર વર્તાવવાની શરૂઆત કરી દેતા મોરબીના બાળરોગ નિષ્ણાંત ડો.મનીષ સનારીયાએ ખતરાની ઘંટી વગાડી પબજી જેવી ગેમ બાળકનું માનસ વિકૃત કરી નાખતી હોવાની ટકોર કરી છે.
સ્માર્ટ ફોન અને ઈન્ટરનેટના આજના સમયમાં સ્માર્ટ અતિરેકને કારણે નાના બાળકોમાં સ્ક્રિન ડેપેન્ડન્સી ડિસઓર્ડર નામનો નવો જોવા મળી રહ્યો છે જે રોગ બાળકોના ચેતાકોષીય વિકાસ તેમજ મગજના વિકાસ માટે ખૂબ જ હાનિકારક હોવાનું સ્પર્શ હોસ્પીટલના તબીબ ડો.મનીષ સનારીયા જણાવી રહ્યા છે.
ડો.સનારીયાના જણાવ્યા મુજબ હાલમાં મોરબીમાં આવા અનેક કિસ્સાઓમાં વારંવાર જોવા મળી રહ્યા છે, સ્ક્રીન નિર્ભરતા એ એક એવો રોગ છે જે ધીમે ધીમે પરંતુ ચોક્કસપણે મગજને હંમેશાં નુકસાન પહોંચાડે છે. કેટલાક કિસ્સાઓમાં બાળકો પણ સમાજથી દૂર થઈ જવાનું વલણ જોવા મળે છે. સ્ક્રીનમાંથી નિકળતો વાદળી પ્રકાશ બાળકને ઊંઘી જવાની સમસ્યાઓનું કારણ બને છે અથવા તો બાળક અનિંદ્રાના રોગ નો ભોગ બને છે અને સ્થૂળતાને પ્રોત્સાહન આપે છે.
તેવી જ રીતે પબજી જેવી હીંસક ગેઈમ દ્વારા બાળકો અને યુવાનોમાં સોશ્યિયોપેથિક (ભારે વ્યક્તિત્વ વર્તન અને વલણ તરીકે વ્યક્તિત્વ વિકૃતિ) વારંવાર ઉશ્કેરાય જવું જેવા લક્ષણો જોવા મળે છે, આ સમસ્યા ખૂબ જ જોખમી છે અને તેને ખૂબ જ શરૂઆતમાં સુધારણા અને નિવારણની જરૂર છે.
- text
વધુમાં ડો.સનારીયા ઉમેરે છે કે, માતા-પિતા માટે આવા કેક્ટસની કળીઓને નિસ્તેજ કરવા માટે કેટલીક બાબતોની કાળજી જરૂરી છે જેમાં
૧. મોબાઇલ અથવા લેપટોપ અથવા આઇપેડ્સમાં બધી રમતોને કાઢી નાખો. બાળકો દ્વારા ફક્ત અને ફક્ત શૈક્ષણિક રમતોને ચલાવવાની મંજૂરી આપવી જોઈએ. તે પણ વડીલની હાજરીમાં.
૨.બધા બાળકો માટે સ્ક્રીન સમય નક્કી કરવો જોઈએ. ૨૪ મહિનાથી ઓછી ઉંમર ના બાળક માટે કોઈ સ્ક્રીન સમય નહી, ૨-૫ વર્ષના બાળક માટે- માતાપિતા સામે માત્ર ૧ કલાક, ૫ વર્ષથી મોટા બાળકો માટે- માતા પિતા સામે ૨ કલાક.
૩. માતા-પિતાએ પોતાના બાળકોની સામે જરૂર પડે ત્યારે જ મોબાઇલનો ઉપયોગ કરવો જોઈએ. બાળકો સામે ફેસબુક- વોટ્સએપ-ઈન્સ્ટાનો ઉપયોગ ન કરવો. બાળકો તેમના માતાપિતા નુ વધુ અનુકરણ કરે છે તેથી માતાપિતા તરફથી થતુ વર્તન બાળકોને મોબાઇલનો ઉપયોગ ન કરવા પ્રોત્સાહિત કરશે.
૪. માતા-પિતાએ બાળકોને બહાર જવા અને આઉટડોર રમતો રમવા માટે પ્રોત્સાહન આપનુ જોઈએ. સાઇકલિંગ, સ્વિમિંગ અને અન્ય રમતો માટે પ્રોત્સાહિત કરો, ઓનલાઇન અને મોબાઇલ રમતોને બદલે ઇન્ડોર બોર્ડ રમતોની ભલામણ કરવી જોઈએ.
આટલી બાબતો જાણ્યા પછી ચાલો આપણે આપણા યુવાન સમાજને વધુ માનસિક રીતે સ્વસ્થ અને સ્થિર બનાવવા ચાલો સ્ક્રીન આશ્રિત પેઢીની જગ્યાએ સ્વતંત્ર પેઢી તૈયાર કરવા સંકલ્પ કરીએ અને પોતાના તથા અન્યો બાળકોને મોબાઈલ મેનિયાથી બહાર કાઢીએ.
- text
