- text
યુવતીને પ્રેમજાળમાં ફસાવી ઘરમાં ઘુસી સતત બે વર્ષથી ધાક ધમકી આપી દુષ્કર્મ ગુજારતો હોવાનો ધડાકો
મોરબી : મોરબીના જુના ઘુંટુ રોડ પર કારખાનામાં રહેતી યુવતીને પ્રેમજાળમાં ફસાવી બાદમાં ધાક ધમકી આપી ઘરમાં ઘુસી શખ્સે દુષ્કર્મ ગુજારતા આ મામલે બી ડિવિઝન પોલીસ મથકમાં ફરિયાદ નોંધવા પામી છે.
આ ચોંકાવનારી ઘટનાની વિગતો જોઈએ તો મોરબીના જુના ઘુંટુ રોડ ઉપર કારખાનામાં રહેતી યુવતીને પ્રેમજાળમાં ફસાવી ભાવેશ રાજાભાઈ ગમારા નામના યુવાને લગ્નની લાલચ આપી દુષ્કર્મ ગુજાર્યું હતું બાદમાં આરોપી ભાવેશ દિવસે – દિવસે યુવતીની મજબુરીનો ફાયદો ઉઠાવી ધાક ધમકી આપી મન પડે ત્યારે શારીરિક શોષણ કરતો હોવાથી કંટાળી જઈ આજે અંતે યુવતીએ બી-ડિવિઝન પોલીસ મથકમાં ફરિયાદ નોંધાવી હતી.
- text
વધુમાં જાણવા મળ્યા મુજબ આરોપી ભાવેશ આ વિસ્તારમાં માથાભારેની છાપ ધરાવતો હોય છેલ્લા બે વર્ષથી દાદાગીરી કરી ઈચ્છા પડે ત્યારે ઘરમાં ધુસી જતો હોવાનું પણ ફરિયાદમાં જણાવાયું છે. આ ચોંકાવનારી ફરિયાદ મામલે બી-ડિવિઝન પોલીસે ગુન્હો નોંધી કહેવાતા માથાભારે આરોપી ભાવેશને ઝડપી લેવા ચક્રો ગતિમાન કર્યા છે અને સમગ્ર કેસની તપાસ ડીવાયએસપી એસટીએસસી સેલ ચલાવી રહ્યા છે.
- text
