- text
ત્રી દિવસીય પ્રદર્શનને ડીઈઓના હસ્તે ખુલ્લુ મુકાયું : ઉદ્દઘાટન પ્રસંગે યોજાયો સાંસ્કૃતિક કાર્યક્રમ
મોરબી : મોરબીના નવા સાદુળકા ગામે આવેલ સર્વોપરી વિદ્યા સંકુલ ખાતે આજ થી ૨૯ સુધી જિલ્લા કક્ષાના ત્રી દિવસીય ગણિત વિજ્ઞાન પ્રદર્શનનું આયોજન કરવામાં આવ્યું છે. આ પ્રદર્શનનું ડીઈઓના હસ્તે ઉદ્દઘાટન કરવામાં આવ્યું હતું . ઉદ્દઘાટન પ્રસંગે મોટી સંખ્યામાં અધિકારીઓ તેમજ પદાધિકારીઓ હાજર રહ્યા હતા.
ગણિત વિજ્ઞાન પ્રદર્શનનો ઉદ્દઘાટન કાર્યક્રમ આજ રોજ બપોરે ૩ કલાકે યોજાયો હતો. ઉદ્દઘાટન ડીઈઓ બી.એન.દવેના હસ્તે કરવામાં આવ્યું હતું. આ તકે મોટી સંખ્યામાં મહાનુભાવો હાજર રહ્યા હતા. ગણિત વિજ્ઞાન કૃતિ પ્રદર્શનનો સમય તા.૨૭ના રોજ બપોરે ૪ થી ૫:૩૦, તા.૨૮ના રોજ સવારે ૮ થી ૧૨ કલાક, બપોરે ૨ થી ૫:૩૦ કલાક, તા.૨૯ના રોજ સવારે ૮ થી બપોરે ૨:૩૦ કલાક રાખવામાં આવ્યો છે.આ પ્રદર્શનમાં કૃતિઓ પાંચ વિભાગોમાં હશે. જેમાં કૃષિ અને સજીવ ખેતી, સ્વાસ્થ્ય અને સ્વચ્છતા, સંસાધન વ્યવસ્થાપન, કચરો-બિનજરૂરી વસ્તુઓનું વ્યવસ્થાપન, પરિવહન અને પ્રત્યાયન-ગણીતિક નમૂના નિર્માણનો સમાવેશ કરાયો છે.
- text
ગણિત વિજ્ઞાન પ્રદર્શન મેળાનો સમાપન સમારોહ તા.૨૯ને બપોરે ૩ કલાકે યોજાશે. જેમાં મુખ્ય મહેમાન તરીકે જિલ્લા પંચાયત પ્રમુખ કિશોરભાઈ ચીખલીયા, ધારાસભ્ય બ્રિજેશભાઈ મેરજા, તાલુકા પંચાયત પ્રમુખ હંસરાજભાઈ પાંચોટીયા, મામલતદાર નયનાબેન રાવલ અને તાલુકા વિકાસ અધિકારી પી.એ. ગઢવી, નરેશભાઈ સાણજા, એ.પી.મહેતા, આર.પી.મેરજા, જે.એસ. પડસુંબિયા, એન.એચ. દેથરિયા, એસ.એસ. મારવણીયા અને બી.એન. વિડજા ઉપસ્થિત રહેશે. પ્રદર્શનને સફળ બનાવવા વ્યવસ્થાપન સમિતિના અતુલભાઈ પાડલીયા, રાજુભાઇ વડગાસીયા, અશોકભાઈ કાંજીયા જહેમત ઉઠાવી રહ્યા છે.
- text
